Pòtoprens, 9 novanm 2019
Nòt pou laprès
PASRÈL ap fè Laprès ak tout popilasyon an konnen Altènativ konsansyèl, opozisyon enstitisyonèl, Mache Kontre, Fowòm Patriyotik, Blòk Demokratik pou redresman nasyonal ak reprezantan plis pase 100 òganizasyon divès sektè Sosyete Sivil peyi d Ayiti ak sektè prive a jwenn yon akò an 2 pwen alafen dezyèm joune Tab konsètasyon PASRÈL te òganize Otèl Marhòt, Pòtoprens 8 ak 9 novanm 2019 la pou fasilite tout aktè k ap mande demisyon Prezidan Jovnèl MOYIZ yo fonn tout pwopozisyon yo fè youn nan kad konba pou yo jwenn demisyon Prezidan an.
Premye pwen akò a prevwa 1 komisyon 5 manm ap fòme ak 5 reprezantan 5 blòk politik yo plis 2 obsèvatè PASRÈL pou finalize chwa yon jij Lakou Kasasyon pou ranplase prezidan MOYIZ;
Komisyon an gen pou devlope kritè pou 5 blòk yo chwazi ni Prezidan an ni Premye Minis lan ni manm gouvènman an.
5 blòk yo pran angajman pou yo antann yo sou pwogram gouvènman tranzisyon an ak ògàn k ap gen pou kontwole aksyon pouvwa egzekitif tranzisyon an.
PASRÈL ak reprezantan 5 blòk yo te li akò a pou medya ki te prezan devan reprezantan anpil sektè sosyete sivil ak sektè prive a, militan, patisipan ak reskonsab blòk yo.
Akò fòmèl la ap siyen nan CTH, wout Frè, anfas Djoumbala, dimanch 10 novanm 2019 la, a 10 è di maten nan kad yon konferans pou laprès.
Lemèt ZEFI (Lemète ZEPHYR)
Pòt-Pawòl
Pòtoprens, 9 novanm 2019
[email protected]
Scoop FM, 107.7 Informations Non-Stop!
