Reveran Pè Gérard Jean Juste Triyonfe sou lanmò
Écrit par Radio Scoop Haiti    Jeudi, 28 Mai 2009 16:11    PDF Imprimer Email

 

 

  Depuis Pretoria, la capitale de l’Afrique du Sud où il est en exil, l’ancien président haïtien  Jean Bertrand Aristide vient d’exprimer ses sympathies à la famille du père Gérard Jean Juste et salue le départ de celui qui « a offert sa dernière goutte de sang pour qu’Haïti devienne une terre de renaissance ». Le Reverend Gerard Jean Juste, un de ses infaillibles alliés, est  décédé hier soir au Jackson Memorial Hospital à Miami  suite d’une attaque cérébrale. Les  propos de l’ancien président sont résumés dans une oraison funèbre qu’il a écrite en langue haïtienne :  

 

  Pè Jean Juste triyonfe
Paske nan pòt lanmò a,
Sèl paspò e sèl viza
Ki konte se LANMOU.

E se la ! Wi , wi, se la !
Se la, nan pòt lanmò a
Nou tout gen pou pase.
Se la, sèl paspò e sèl viza
Ki konte se LANMOU.

Se la, nan vil Jerizalèm,
Anndan jaden Jetsemani,
Arestasyon Jezu te fèt
Nan blakawout lahèn.

Se la, nan Petyon Vil,
Anndan legliz Sen Pyè,
Arestasyon Pè Djeri te fèt
Nan menm blakawout la.

Se la, sou tèt tèt mòn kalvè,
Tout bouji lanmou te etenn
Pou mechan yo sakrifye Jezu.

Se la, nan kacho prizon lakay,
Yo te deja sakrifye Pè Jean Juste
Sou lotèl kidnapinn 29 fevriye a.

Se la, akoz lanmou ki nan kè l,
Jezu te ofri tout san ki nan kò l
Pou wouze tout jaden delivrans.

Se la, nan swiv Jezu ke l renmen,
Pè Jean Juste ofri dènye gout san pa l
Pou Ayiti tounen yon tè delivrans.

Se la, nou ka dekouvri aklè
Pa gen pi gwo prèv lanmou
Pase lè ou sakrifye lavi ou
Pou moun ou renmen yo.

Se la tou nou dekouvri
Mouchwa konsolasyon
Pou siye dlo nan je moun
Ki renmen Frè nou an.

Onè pou ou, Pè Jean Juste !
Respè pou ou, Frè nou Djeri !
W ap toujou ret byen vivan
Nan lespri moun ki renmen w.
Se la ou triyonfe sou lanmò !

Plis nou rale zetwal konpliman
Pou ofri w kouwòn rekonesans,
Plis nap kontinye toujou sonje :

Se la, nan pòt lanmò a
Nou tout gen pou pase.
Se la, sèl paspò e sèl viza
Ki konte se LANMOU.

 Dr Jean-Bertrand Aristide
Pretoria, 28 -05- 2009

Dr Jean-Bertrand Aristide
Pretoria, 28 -05- 2009

Comments (0)
 

Sections 107

Aucune partie de SCOOPFMHAITI.com ne doit pas être reproduite, redistribuée ou manipulée sous toutes ses formes. L'ensemble de ce site relève de la législation haïtienne et internationale sur les droits d'auteur et la propriété intellectuelle. Tous les droits de reproduction sont réservés, y compris les représentations iconographiques, photographiques. La reproduction de tout ou partie de ce site sur un support quel qu'il soit, est formellement interdite.
Copyright ©2010 Radio Scoop FM, 107.7. All rights reserved.
Website by the PROFESSIONAL Haitian Company : SiteGenial, Inc